Маевский сотто: "Мен Текебаевге берген акча парабы, пара эмеспи сот чечсин"

Өмүрбек Текебаевдин үстүнөн арызданган Леонид Маевский сотто көрсөтмө берүүдө.

Отурумда Текебаевдин жактоочулары Маевскийге: "Текебаевге 1 миллион доллар бергениӊизди айтып жатасыз. Бул окуяны пара берүү деп эсептейсизби?" деп суроо беришти. Маевский: "Мен муну пара берүү же андай эмес деп айта албайм. Текебаев менден алган акчаны Кыргыз мамлекетинде демократияны өнүктүрүүгө жумшай турганын айткан. Калганын сот чечсин. Мен акчаны өз эсебимден бергем", - деп жооп кайтарды.