"Кемаль өлгөн жок". Ал чыныгы жашоодогу сүйүктүүсүнө үйлөндү (фото)

Түрктөрдүн "Түбөлүктүү сүйүү" ("Kara sevda") сериалынын жылдызы, кинодогу өлүмү менен дүйнөнүн төрт бурчундагы күйөрмандарын ыйлаткан актёр Бурак Өзчивит сүйүктүүсү, актриса Фахрие Эвженге кечээ, 29-июнда үйлөндү. Бул тууралуу чет элдик басылмалар жазып чыгышты.

Маалыматка караганда, жылдыздардын үлпөт тою Босфор булуңундагы деңиз жээгинде жайгашкан Sait Halim Paşa вилласында өткөн.

Түгөйлөрдүн сүйүү романы үч жыл мурда башталган. Ал эми ушул жылдын жаз мезгилинде тойдун качан болору белгилүү болгон.

Ал эми интернет колдонуучулары да жөн калбай Фахрие Эвжендин үлпөт көйнөгүн Бурактын "Түбөлүктүү сүйүүдөгү" сүйүктүүсүнүн образын жараткан Неслихан Атагүл өзүнүн тоюнда кийген көйнөгүнө окшоштуруп, талкууга алышты.

Эске салсак, буга чейин түркиялык басылмалар орусиялык модель Виктория Боня Фахрие менен Бурактын үйлөнүү тоюн бузуп жибере жаздаганын жазып чыгышкан. Алар моделдин түрк актёрунун жана ал тартылган сериалдын күйөрманы экенин, мындан улам ал актёрдун социалдык тармакка киргизген ар бир сүрөтүнө "жакты" белгисин басып, билдирүү калтырып турарын жазышкан. Бул нерсе Бурактын сүйүктүүсүн ачуулантып, анын айынан бир нече жолу катуу урушууга чейин барышкандыгы айтылган.