Өмүрбек Бабанов президенттик шайлоого талапкер катары катышуу үчүн БШКга арыз берди

"Республика-Ата Журт" фракциясынын лидери Өмүрбек Бабанов президенттикке талапкер катары катышуу үчүн Борбордук шайлоо комиссиясына арыз берди. Бул тууралуу кечээ, 2-июлда аталган комиссиянын басма сөз кызматы билдирди. 1-июлда элдик курултай өтүп, Бабанов өзүн өзү көрсөтүү жолу менен президенттик шайлоого катыша турганын билдирген.

Эске салсак, буга чейин БШКга арыз бергендер: Өмүрбек Текебаев, Темир Сариев, Рита Карасартова, Турсунбай Бакир уулу, Камила Шаршекеева, Арстанбек Абдылдаев, Назарбек Нышанов, Бакыт Дегенбаев, Сайнидин Султанидинов, Талантбек Масадыков жана Бакыт Төрөбаев.