4-июлга карата президенттик жарышка катышарын 15 адам билдирди (тизме)

Президенттик шайлоого талапкер болорун билдирип, 4-июлга карата БШКга 15 адам документ тапшырды. Бул тууралуу SUPER.KG порталына аталган мекемеден билдиришти.

13 талапкер президенттик шайлоого өзүн өзү көрсөтүү жолу менен аттанып жатат. Алар:

1. Назарбек Нышанов, “Лига-антикризис” борборунун төрагасы;
2. Өмүрбек Текебаев, Жогорку Кеңештин депутаты;
3. Арстанбек Абдылдаев, “Аурдин” ишканасынын директору;
4. Турсунбай Бакир уулу, Жогорку Кеңештин экс-депутаты;
5. Рита Карасартова, “Коомдук анализ институту” уюмунун жетекчиси;
6. Бакыт Дегенбаев, Өндүрүшчүлөр ассоциациясынын төрагасы;
7. Сайнидин Султанидинов, Латвиянын “Маро” фирмасынын Бишкектеги өкүлү;
8. Камила Шаршекеева, Эл аралык Борбордук Азия университетинин ректору;
9. Талантбек Масадыков, эл аралык эксперт;
10. Өмүрбек Бабанов, Жогорку Кеңештин депутаты;
11. Замира Муратбекова, пенсионер;
12. Санжарбек Энназаров, убактылуу жумушсуз;
13. Сагынбек Абдрахманов, "Сүймөнкүл Чокморов" коомдук фондунун төрагасы.

Ал эми эки талапкер саясий партия тарабынан көрсөтүлдү:

1. Темир Сариев, “Ак шумкар” партиясынын лидери;
2. Бакыт Төрөбаев, Жогорку Кеңештин депутаты, “Өнүгүү-Прогресс” фракциясынын лидери.