ЖЫЛНААМА, 5-ИЮЛЬ: Бикини пайда болгонуна 71 жыл болду. Алгачкы бикиниден тарта учурдагы бикиниге чейин (фото)

Бикини – жабык эмес, эки бөлөк элементтен турган купальник. Алардын бирөө айымдардын көкүрөгүн жаап турса, экинчиси жамбашын.

Аны 1946-жылы 5-июлда француз дизайнери Луи Реар алгачкылардан болуп ойлоп тапкан. Ага бул идея, пляждагы эс алуучулардын купальниктери жабык болгондуктан, аны чечип күнгө күйүүгө аракет кылып жатышканын көргөндөн соң келген.

Бикинини алгачкы жолу париждик бийчи Мишелин Бернардини кийип, коомчулукка көрсөткөн. Андан соң 1950-жылдары актрисалар Мэрилин Монро менен Брижит Бардо кийишкенине карабай, аны эл ичинде кенен жайылтууга 10 жылдан ашуун убакыт кеткен.

Бикини тууралуу

• Бикини 1946-жылы АКШнын Бикини атолласында болгон атомдук жардыруудан соң пайда болуп, анын атынан коюлган.
• 1950-жылдардагы бикинилердин белдери узун болгонун байкоого болот.
• 1960-1970-жылдары бикини кийген айымдар өздөрүн жаңыдан боштондукка чыккандай сезишсе, 1980-жылдары бикини кийүүчүлөрдүн саны бир топко өсүп, анын бир нече моделдери жарык көргөн.
• 1980-жылдары кыска белдүү бикинилер көп кийилсе, 1990-жылы Эль Макферсон аттуу модель өзү чыгарган бели узун ретро-бикинилерди кайрадан модага кайтарган. Себеби аны кийген айымдардын буттары узун көрүнчү.
• 2000-жылы кур же атайын курга окшош байламалары менен бикинилер чыккан.

Ал эми быйыл кандай бикини модада экенин билгиңиз келсе, бул жерден көрүңүз.

5-июлдун жылнаамасы.