Унаа тыгындын үстүнөн өтө ала турган автобустун жаратуучулары 1,3 миллиард доллар менен качып кетишкени айтылууда

Кытайда унаа тыгынынын үстүнөн өтө турчу автобус-порталдын жаратуучулары алдамчылыкка шектелишүүдө. Бул тууралуу чет өлкөлүк басылмалар маалымдайт.

Маалыматтарга ылайык, автобус-порталдын үстүндө иштеген адистер 1 жылдын ичинде 1,3 миллиард доллар инвестиция топтошкон. Бирок кийинчерээк байланышка чыкпай, дайынын таптырбай кетишкен. Пекин шаарынын полиция кызматы долбоорго катыштыгы бар 30га жакын алардын өнөктөштөрүн кармашканы маалымдалат. "TEB" долбоору Кытайдагы тыгын жана экологиялык көйгөйдү чечмек. Долбоорго ылайык, жолдун капталында жайгашкан рельстеги электр тогу менен жүрүүчү автобус, башка унааларга тоскоолдук жаратпай, алардын үстүнөн жүрмөк.

Transit Elevated Bus порталдык автобустун жаратуучулары мыйзамсыз инвестиция тартууга жана алдамчылыкка шектелишүүдө.