Бишкектин Келечек конушунда мыйзамсыз жайгашкан курулуштар бузулду

16-майда Бишкек шаарынын мэриясынын Жеке турак-жай курулуш департаменти тарабынан Келечек конушунда мыйзамсыз тургузулган курулуштарды бузуу иштери жүргүзүлдү. Мэриянын басма сөз кызматы билдиргендей, 41 короо тосмолору, дүкөндөр, үй чарбасына тиешелүү курулуштар бузулду. Свердлов райондук сотунун кароосуна 7 жазма эскертүү жөнөтүлүп, бузууларды өз ыктыяры менен жүргүзүүгө 11 кепилдик кат жазылды.