“Адам укугу” партиясы президенттик шайлоого Турсунбек Акундун талапкерлигин көрсөтөт

“Адам укугу” партиясы президенттик шайлоого экс-акыйкатчы Турсунбек Акундун талапкерлигин көрсөтөт. Бул тууралуу бүгүн, 6-июлда аталган партиянын съездинде белгилүү болду.

Учурда партиянын мүчөлөрү, чакырылган коноктор чогулганча концерттик программа уюштурулуп, Турсунбек Акун тууралуу видеотасма көрсөтүлүүдө.

Эске салсак, Турсунбек Акун азыркы тапта “Кыргызстан демократиялык кыймылынын”, “Кыргызстан укук коргоо кыймылынын” төрагасы, “Адам укугу” саясий партиясынын жетекчиси. Ал 2008-2013-жылдары Акыйкатчы болуп эмгектенген.