"ЭЛДИК КАБАРга" жооп: "Ош шаарындагы борбордук базарда таштанды күн сайын тазаланат" дейт мэрия

Ош шаарындагы борбордук базарда таштанды күн сайын тазаланат. Бул тууралуу бүгүн, 6-июлда SUPER.KG`ге Оштун мэриясынын басма сөз катчысы Талантбек Канатбек уулу билдирди.

"Борбордук базарда таштандылар күн сайын тазаланат. Айрым күндөрү эле таштанды ташыган унаа кечигип калганда бир аз туруп калбаса, убагында тазаланып чыгарылат. Айрым күндөрү мал көп союлганда таштанды көп чыгат. "Элдик кабардагы" сүрөт ошол учурда тартылса керек", - дейт Талантбек Канатбек уулу.

Эскерте кетсек, буга чейин окурман "мурда да дал ушул жерде уйлардын баш сөөктөрү ачык жатканын тартып жибергем. "Эскертүүлөр берилди, мындай абал көп боло бербейт" деп жооп кайтарышты эле. Бул жер такай ушундай абалда. Аптаптуу күндө чыдай алгыс жыт чыгып жатат", - деп кабарлаган.