Орусия Сириядагы абалга биргеликте байкоо жүргүзүү үчүн аскерлерди жөнөтүү маселеси менен КМШ өлкөлөрүнө кайрылды

Орусия Сириянын деэскалациялык аймактарындагы абалга биргеликте байкоо жүргүзүү үчүн аскерлерди жөнөтүү маселеси менен КМШ өлкөлөрүнө кайрылды. Бул тууралуу орусиялык маалымат булактары Астана шаарында өткөн сүйлөшүүлөргө келген делегациянын башчысы Александр Лаврентьевге таянып жазууда.

"Азыр кайсы аскерлер, бул жерден белгилеп кетиш керек - кайсы өлкөлөрдүн аскер байкоочуларын Сириядагы тынчтыкты сактоо миссиясына тартуу маселеси турат. Орусия тараптан Сириянын деэскалациялык аймактарына баруусуна эч ким шек санабайт, ошондуктан биз бул маселени кароону жалпы КМШ өлкөлөрүнө сунуштап жатабыз. Бул Сириядагы тынчтыкты сактоо миссиясына катышуу боюнча кайсы бир чечимди кимдир бирөөгө таңуулоо эмес", - дейт Лаврентьев.

Ошондой эле ал эгер Астана Сириядагы деэскалациялык аймактардагы абалды көзөмөлдөөгө тынчтыкты ортонуу үчүн аскердик курамын жөнөтүү чечимин кабыл алса, Орусия аны кубаттай турганын белгилеген.

"Эгер Казакстандын өкмөтү жана жетекчилиги мындай чечимди кабыл алса биз колдойбуз. Бирок менин билишимче өлкө жетекчилиги чечим кабыл ала элек", - деп кошумчалаган делегациянын башчысы.