Базар-Коргондо Өмүрбек Текебаевдин колдоочулары тарабынан 4 ай мурун тигилген боз үйлөр алынды

Бүгүн Базар-Коргон районунун Акман айылындагы Ош-Бишкек жолунун жээгинде тигилген эки боз үй алынды. Өмүрбек Текебаевдин Жалал-Абаддагы коргоо комитетинин төрагасы Кубат Артыков билдиргендей, учурда штаб түзүлүп, мындан ары Текебаевди коргоо комитети штабда иш жүргүзмөкчү.

“Биз Ош-Бишкек жолунун четинде Кеңеш айылында облустук штаб түздүк. Текебаевди коргоо комитети эми ошол жерден ишин улантат. Анткени бул штаб кийинчерээк шайлоо штабына айланышы керек. Бүгүн биз боз үйлөрдү чечип жаткан учурда бул жердеги эл жолду тосууга аракет кылышты. Бирок биз элди мыйзамдын чегинен чыкпоого чакырып, түшүндүрүү иштерин жүргүзүп абалды жөнгө салдык”, - деди Артыков.