Бишкек-Токмок жолунда автокырсыктан каза болгондордун биринин аты-жөнү такталбай жатат

Бишкек-Токмок жолунда автокырсыктан каза болгондордун биринин аты-жөнү такталбай жатат. Бул тууралуу бүгүн, 9-июлда SUPER.KG порталына Чүй ОИИББинин Патрулдук милиция башкармалыгынан билдиришти.

Маалыматка караганда, жол кырсыгынан 1994-жылы туулган С.К. аттуу айдоочу (Ысык-Көл облусунун тургуну), 2000-жылы туулган А.А. аттуу кыз (Бишкек шаарынын тургуну) жана жашы 20-25 жаштагы эркек бала (аты-жөнү такталууда) каза болгон. Ал эми 1996-жылы туулган А.А. аттуу кыз (Бишкек шаарынын тургуну) Токмок шаарындагы ооруканага жеткирилген.

Айта кетсек, жол кырсыгы кечээ, 8-июлда эртең менен саат 07:00 чамасында Бишкек-Токмок унаа жолунун 55-чакырымында болгон. Анда Ысык-Көлдөн келе жаткан Тойота Авенсис үлгүсүндөгү жеңил унаа каршы тилкеге чыгып, жолдун жээгиндеги тосмону сүзгөн. Жол кырсыгынын кесепетинен 3 адам каза болуп, 1 адам ооруканага жеткирилген. Унаанын ичинде эки кыз жана эки бала болгон.