Бишкектин төрөт үйлөрү профилактикалык иштерге байланыштуу жабылууда (график)

Бишкек шаары боюнча төрөт үйлөрү профилактикалык иштерге байланыштуу жабылууда. Бул тууралуу Саламаттыкты сактоо министрлигинин басма сөз кызматынын консультанты Елена Баялинова маалымдады.

Маалыматка ылайык, №2-төрөт үйү 26-июндан 23-июлга чейин, №2-клиникалык төрөт үйү 26-июндан 23-июлга чейин жабылды. Эне жана баланы коргоо улуттук борборунун төрөт бөлүмү 24-июлдан 18-августка чейин, №1-төрөт үйү 14-августтан 8-сентябрга чейин иштебейт.

Ал эми Чүй облустук бириктешкен ооруканасынын төрөт бөлүмү 9-сентябрдан 5-октябрга чейин, шаардык гинекологиялык оорукана 14-августтан 8-сентябрга чейин, Шаардык перинаталдык борбору 6-26-октябрларда бейтаптарды кабыл албайт.