Москвадагы өрттөн эки Кыргыз кызы жабыркады, экөөнүн абалы оор. Кыздардын туугандары изделип жатат

Москва шаарындагы "РИО" соода жана оюн-зоок борборунда чыккан өрттөн 18 адам жабыр тарткан. Алардын ичинде Орусиянын Өзгөчө кырдаалдар министрлигинин Москва шаары боюнча Башкы башкармалыгынын маалыматы боюнча Кыргыз Республикасынын эки жараны да бар. Бул тууралуу Кыргыздын Орусиядагы элчилигинин басма сөз кызматы билдирди.

Маалыматка караганда, 28 жаштагы Кыргыз кыздары Баткен облусунун Лейлек районунан болушат. Алар "Тез жардам" аркылуу Н.Склифосовский атындагы ооруканага жеткирилген.

Элчиликтин кызматкерлери дарыгерлер менен байланышты, алардын айтуусунда жабыр тарткан эки кыз жандандыруу бөлүмүнө жаткырылган, абалдары оор. Алган жаракаттарынын божомолу боюнча динамикасы жакшы. Элчилик маселени көзөмөлгө алып, оорукана менен тыгыз байланышта болууда", - деп айтылат маалыматта.

Кыргыз Республикасынын Тышкы иштер министрлиги жабыркагандардын туугандарын издеп жатканын маалымдады. Жабыркаган кыздардын тизмеси:

1. Абдуллаева Рахатай. 1989-жылы Лейлек районунда туулган.

2. Нурбекова Таалайкан. 1989-жылы Лейлек районуна караштуу Булак-Башы айылында туулган.