Шашылыш билдирүү! Өлкө аймагында 15-июлга чейин нөшөрлүү жаан жаап, тоолуу райондордо сел жүрүшү мүмкүн

Шашылыш билдирүү! Өлкө аймагында 15-июлга чейинки күндөрү күтүлүп жаткан нөшөрлүү жаан-чачынга байланыштуу дарыяларда суунун деңгээли көтөрүлүп, тоолуу жана тоо этектериндеги райондордо сел жүрүшү мүмкүн. Бул тууралуу бүгүн, 12-июлда Өзгөчө кырдаалдар министрлигинин басма сөз кызматынан билдиришти.

Маалыматка ылайык, 12-13-15-июлдарда туруксуз аба ырайы күтүлөт. Көпчүлүк аймактарда жаан жаап, күн күркүрөшү, бийик тоолордо кар жаашы, айрым жерлерде жаан-чачын катуу жаашы күтүлөт. Кээ бир райондордо батыштан соккон шамалдын ылдамдыгы секундасына 18-23 метрге жетиши ыктымал. Абанын күндүзгү температурасы төмөндөйт.