2017-жылы ден соолугунун мүмкүнчүлүгү чектелгендер үчүн республика боюнча 690 жумуш орун каралган

2017-жылы мүмкүнчүлүгү чектелген адамдарга республикада бекитилген квотанын саны 690 жумуш орунду түздү. Бул тууралуу бүгүн, 12-июлда Эмгек жана социалдык өнүгүү министрлигинен маалымдашты.

690 орундун ичинен Бишкек шаарында 168, Баткен облусунда 79, Чүй облусунда 28, Талас облусунда 119, Нарын облусунда 18, Ош облусунда 18, Жалал-Абад облусунда 139, Ысык-Көл облусунда 43, Ош шаарында 34 орун.

"Бүгүнкү күндө министрликтин аймактык түзүмдүк бөлүмдөрүндө 449 ден соолугунун мүмкүнчүлүгү чектелген адамдар каттоодо турат, анын ичинен 206сы аялдар. Иш менен камсыз кылуу кызматынын жардамы менен 157 ден соолугунун мүмкүнчүлүгү чектелген адам ишке орноштурулган, анын ичинен квоталанган орундарга 97си орношкон", - деп айтылат маалыматта.

Ал эми жаштарды ишке орноштурууга көмөктөшүүдө Жаштар эмгек биржасы иш-чараларды жүргүзөрү маалым болду. Аталган мекемеге жыл башынан тартып 5 миң адам кайрылса, анын 2,6 миңи ишке орноштурулган.