Роза Отунбаева сотко: "Биз революция кылбасак, сиз дагы эле Каржы полициясында иштеп жүрмөксүз"

Бишкектин Биринчи Май райондук сотунда Өмүрбек Текебаев жана Дүйшөнкул Чотоновго ачылган кылмыш иши боюнча соттук отурум өтүүдө. Көрсөтмө берип бүткөн Кыргыздын экс-президенти Роза Отунбаева сотко кайрылып, кошумча 2 мүнөт убакыт сурады. Сот каршылык билдиргенден кийин Отунбаева: "Биз революция кылбасак, сиз азыркыга чейин Каржы полициясында иштеп жүрмөксүз", - деп тарыхты эскертти.

Сот имаратынан сыртка чыккан Отунбаева журналисттерге: "Сотко бийликтен тапшырма берилгени көрүнүп эле турат. Өтүнүч түшкөндөн кийин сот жок дегенде кеӊешүүчү бөлмөгө барып, анан чечимин айтпайбы. Автоматтык түрдө "жок" деп жатат. 2010-жылы революция кылгандар камалып, Бакиевдин тушунда иштегендер өлкөнү башкарууда. Нормалдуу адамдын бул көрүнүшкө жаны ачыйт", - деп билдирди.