Санкт-Петербургдагы өрттөн каза болгондордун баары Өзбек жарандары экендиги маалым болду

Орусиянын Санкт-Петербург шаарындагы Колпинский районунда чыккан өрттөн 7 адам каза тапты. Алардын баары тең Өзбек жарандары экенин "Интерфакс" басылмасы өз булагына таяп жазып чыкты. "Ал жакта 7 адам болгон. Муну ошол өрт чыккан компаниянын директору да тастыктады. Каза тапкандын баары өзбекстандыктар болгон", - деп билдирген маалымат берүүчү.

Кошумчалай кетсек, каза тапкандар тууралуу маалымат Өзбекстандын Орусиядагы өкүлчүлүгүнө жеткирилген.

Эске сала кетсек, 12-июлдан 13-июлга караган түнү Санкт-Петербургдагы "Киров" заводунан өрт чыгып, 600 квадрат метр аянты күйүп кеткен. Бул кырсык боюнча кылмыш иши козголуп, тийиштүү кызматтар иликтөө иштерин жүргүзүүдө.