50 жаштагыдай көрүнгөн жаш модель кыз сулуулук үлгүсүн өзгөрткүсү келет

26 жаштагы Сара Гартс 10 жашка чыкканда дүйнөдө сейрек кездешүүчү Элерс-Данлос синдромуна чалдыккан. Бул оорудан адамдын териси бузулуп, организм коллаген чыгарбай калат. Мындан улам анын терисине эрте эле бырыш түшүп, өзүнүн жаш курагынан улуу көрүнөт. Бирок ал өзүнүн оорусун жашырбай, келбетинен уялбаганын билдирип келет.

"Менин терим менин эң талуу жерим болчу, бирок мен аны азыр эң сулуу деп эсептейм. Сиздин ар бир кемчилигиңиз сиздин индивидуалдуулугуңуз. Ал сиз жөнүндө, сиздин өмүрүңүз, жашоо үчүн күрөшкөнүңүз, сиздин саякатыңыз тууралуу айтып берет", - деген ал маегинде.

Сара Гартс алгач Миннесотада жашап, кийинчерээк Лос-Анжелеске көчкөн. Анын максаты адамзаттын сулуулук тууралуу оюн өзгөртүү. 2015-жылы ал өзүнүн өмүр баянын жарыялап, аялзатынын кемчиликтерин мактоо боюнча долбоор тартуулаган.

"Сен сенден корккон адамдар менен жолукканы жатасың. Силер башкачасыңар. Адамдар көпчүлүктү карабаган инсанды кантип кабыл алууну, ага кандай реакция кылууну билишпейт. Алар сиздин өзгөчөлүгүңүздү кабыл алышпайт", - деген ал баракчасына.