Кытайдагы соода борбору аялдарын күткөн мырзаларга машыгуу жабдууларын орнотту

Демейде аялдар соода дүкөндөрүнө киргенде шашпай, көпкө чейин жүргөн адаты бар. Алар менен чогуу келген түгөйлөрү бул убакытта эригип кетерин эске алган Кытайдагы соода дүкөнүнүн кызматкерлери мырзалар үчүн машыгуучу жабдыктарды орнотушту.

Чет элдик маалымат каражаттарынын маалыматына ылайык, Шанхайдагы соода түйүнүнүн ичине айнектен чакан бөлмөлөр курулуп, бокс үчүн кум толтурулган кап, стол, отургуч, оюндар жүктөлгөн компьютерлер орнотулган.

"Азырынча бул сынактык долбоор болгондуктан кызматтар акысыз. Бирок эгер кардарлардын кызыгуусун күчөтсө азыраак акы алынат. Азырынча бул шарт эркектерди кызыктырып, аларды жубайы менен дүкөндүн текчелерин чогуу кыдыруудан куткарууда. Бирок арасында соода түйүндөрү үчүн бул аракеттер ашыкча экенин айткандары да бар", - деп жазылат маалыматта.