Коопсуздук кеңешинин катчысы туристтик сезондо тийиштүү органдарга жол коопсуздугу боюнча тапшырмалар берилгенин айтты

Коопсуздук кеңешинин катчысы Темир Жумакадыров туристтик сезондо тийиштүү органдарга жол коопсуздугу боюнча тапшырмалар берилгенин айтты. Бул тууралуу ал бүгүн, 17-июлда журналисттердин суроолоруна жооп берип жатып билдирди.

Анын айтымында, туристтик сезон учурунда Ички иштер министрлигине жол коопсуздугу, кылмыштуулуктун санын азайтуу боюнча тапшырма берилет. Ысык-Көл облусуна коопсуздукту сактоо үчүн кошумча күчтөр жөнөтүлө турганын кошумчалады.

Вице-премьер-министр Жеңиш Разаков "Коопсуз шаар" долбоору "Таза коомдун" бир бөлүгү болуп эсептелет деди.

"Коопсуз шаар" ар кандай себептер менен ишке ашпай турат. "Таза коом" долбоорун ишке ашыруу алкагында турабыз. Алгач Бишкектин эки көчөсүнө камера орнотулат. Андан соң республиканын бардык аймагына орнотулуп баштайт", - деди ал.