Министр: "Кыргыз мамлекетинин 80 пайыз аймагында күчү 9 баллга жеткен жер титирөө болушу мүмкүн"

Кыргыз мамлекетинин 80 пайыз аймагында күчү 9 баллга жеткен жер титирөө болушу мүмкүн. Бул тууралуу кечээ, 17-июлда өзгөчө кырдаалдар министри Кубатбек Боронов коопсуздук кеңештин жыйынынын жыйынтыгы боюнча журналисттерге берген маалыматында билдирди.

Министр билдиргендей, сейсмикалык коркунуч аймактарынын катарына Бишкек шаары дагы кирет.

“Өлкөнүн бардык аймагы сейсмикалык коркунучта турат. Мындай жерлерге күчү 6-7 баллга жеткен жер титирөө болгон жерлер кирет”, - деди.

Эске салсак, кечээ президент Алмазбек Атамбаевдин катышуусунда коопсуздук кеңеш боюнча жыйын өткөн. Андан соң вице-премьер-министр Жеңиш Разаков, министр Кубатбек Боронов, коопсуздук кеңешинин катчысы Темир Жумакадыров журналисттерге маалымат берген.