Кыргыздын түндүк аймагында 4123 үй жарыксыз калды

Бүгүн, 18-июлда “Түндүк электр” ачык акционердик коому Бишкек шаарынын жана Чүй, Талас облустарынын “акылдуу” эсептегичтерине кошулган 4 миң 123 абоненттеринин электр камсыздоосун дистанциондук түрдө өчүрдү. Бул тууралуу “Түндүк электр” ААКсынын басма сөз кызматы маалымдайт.

Маалыматка ылайык, керектөөчүлөрдүн өз убагында төлөм жүргүзүлбөгөндүгү үчүн электр жарыгы дистанциондук түрдө өчүрүлгөн. Алардын ичинен:

Бишкек шаары боюнча - 2 334 абонент;

Чүй облусу боюнча - 1 475 абонент;

Талас облусу боюнча - 314 абонент.

Керектөөчүлөр төлөмдү толук төлөшкөн соң “Түндүк электр” ААКсынын маалымат серверине билдирме түшкөндөн кийин гана электр тогу бериле баштайт.