Владивостокто суунун акчасын төлөбөгөн кардардын колунан каза болгон Кыргыз жигиттин сөөгү эртең алып келинет

Орусиянын Владивосток шаарында дүкөндө күзөтчү болуп иштеп жүрүп бир бөтөлкө суу үчүн каза болгон 18 жаштагы А.С. аттуу Кыргыз жигиттин сөөгү эртең, 20-июлда Кыргыз жерине алынып келинет. Анын сөөгүн алып келүү үчүн Владивостокко таятасы барганын SUPER.KG'ге Кыргыз Республикасынын Орусиядагы элчилигинин кызматкери Гүлбарчын Байымбетова кабарлады.
Байымбетова сөөктү алып келүүгө кеткен чыгымдар бала күзөтчү болуп иштеген дүкөн тарабынан төлөнүп берилиши керектигин белгиледи.
Эскерте кетсек, каза болгон Кыргыз жараны 16-июль күнү саат 19:00 чамасында Владивосток шаарындагы "Престиж" аттуу дүкөндө күзөттө турганда Орусия жараны бир бөтөлкө сууну алып акчасын төлөбөй сыртка чыгып кеткен. Ал артынан чыгып акчасын төлөөнү талап кылганда Орусия жараны анын жүрөгүнө бычак сайып жиберген. Натыйжада бала алган жаракатынан улам ошол жерден каза болуп калган.
Кылмышка шектүү катары 17-июлда Орусиянын 52 жаштагы жараны колго түшүп, кылмыш иши козголгон.




1 |