super.kg logo

Төө-Ашуу аймагындагы унаа жолду оңдоо планын үзгүлтүккө учуратканы үчүн "Бишкек-Ош" жолунун дирекциясынын башчысы кызматтан алынат

 

Премьер-министр Сооронбай Жээнбеков бүгүн, 19-июлда Жалал-Абад облусуна жасаган иш сапарынын алкагында Бишкек-Ош унаа жолунун 133-чакырымындагы тилкенин абалын көрүп чыкканын өкмөттүк аппараттан билдиришти.

Өкмөт башчы Транспорт жана жолдор министрлигине караштуу Бишкек-Ош унаа жолу дирекциясынын ишин мурда аныкталган ремонт мөөнөтүн үзгүлтүккө учураткандыгы үчүн катуу сынга алганы маалым болду. Мындан улам Жээнбеков дирекция башчысы Изатбек Токтомамбетов өз милдеттерин аткарбагандыгы, өкмөттүн тапшырмасын жана ремонт ишинин графигин үзгүлтүккө учураткандыгы үчүн кызматынан алына турганын айткан.

Аталган жол тилкесин оңдоо иштери 2017-жылдын 30-майында башталары тууралуу маалымат берилген.

"Көрсө, оңдоо иштери жакында гана башталыптыр. Калк тарабынан Бишкек-Ош унаа жолунун начар абалы боюнча тынымсыз даттануулар келип түшүүдө. Күн сайын аталган магистралдан 2 миңге жакын унаалар каттайт. 45 күндөн бери болгону 2,5 чакырым жол оңдолгонуна ишенүү кыйын. Эгерде күндүз аба ырайы ишти жүргүзүүгө тоскоолдук кылса, анда түнкү убакытта жүргүзүүгө болот. Каржылоодон көйгөй жок, бардык зарыл техника берилген. Айрым аткаруучулардын кайдыгер мамилеси жана кесипкөй эместигинен бардык күнөө өкмөткө коюлууда", - деди Жээнбеков.

Транспорт жана жолдор министри Жамшитбек Калилов маалымдагандай, азыркы учурда 2,5 чакырым аралыкка асфальт төшөлгөн. План боюнча 12 чакырымга асфальт төшөлмөк. Бул тилке үчүн 98 миллион сом бөлүнгөн.

Жээнбеков министрликке жолдун ремонтун 15-августка аяктоону тапшырды. Эгерде берилген тапшырма аткарылбаса, жооптуу жетекчилер мыйзам алкагында жазаланат.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(2)
19.07.2017. 17:54 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
+1
Ошол жол онолбой койду ишчилер аябай жай кыймылдайт экен мен коп отом байкайм эптеп эле кеч кирсе кетсем болду дейтго айлык иштеген ишине жараша эмес айына кун отсо толоно берет окшойт
20.07.2017. 00:44 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Менин тууганым ичтейт айлыгын 3 айда бир зорго алышат ошонго чейин карыз .болуп анысыда жакшы толошпойт
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде колдонуучу (Катталган: , коноктор: ) бул кабарды окуду:

Кабарлардын саны:
195263;
 
Маалымат-маанайшат порталы
2006-2025 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
p
Рейтинг@Mail.ru
Биз социалдык тармактарда: