Эки колуна тең донордун колдору салынган 10 жаштагы өспүрүм эркин кыймылдап, ойноп калды

2015-жылы америкалык Зион Харви аттуу өспүрүмдүн кесилген эки колунун ордуна донордун колдору салынган. Ал мындай оор операцияны башынан өткөргөн эң жаш адам эле. 8 жаштагы Зионго операция ийгиликтүү жасалып, 2 жылдан кийин өз алдынча колдорун эркин кыймылдата баштагандыгы тууралуу жазылат чет элдик маалымат булактарында.

Зион учурда вилка, бычакты өз алдынча кармап, өзү кийинип калды. Жакында эле бейсбол ойноп жакындарын кубандырган. Зион Харви өзү колдору менен ага уулунун колун берген үй-бүлөгө ыраазычылык билдирип кат жазууну тилек кылат. Анын колдоруна операция жасаган дарыгерлер өздөрүнүн ийгилиги менен сыймыктанып турган кези.

"Зион донордун колдоруна толугу менен көнүп, аны өзүнүн колдорундай кабыл алды. Эми ал кыймылын таамай башкарууда. Ал эле эмес өзүнүн атын так жазууда. Мындан тышкары анын колдорунун сезүүсү да күчөдү, ал азыр апасынын бетин сылап, ага колунун тийгенин сезүүдө", - деген аны дарылаган филадельфиялык Сандра Амарал.

Зион Харви 2 жашында кандын бузулушунан улам колдорунун манжаларынан жана бутунун таманынан айрылган. 4 жашында анын бөйрөгү ооруп, аны алмаштырууга апасы донор болгон. 8 жашында колдоруна донор табылып, 40 дарыгердин катышуусундагы 11 саатка созулган операцияны башынан өткөргөн.