ЖЫЛНААМА, 20-ИЮЛЬ: 44 жыл мурун актёр Брюс Ли каза болгон

Америкалык жана гонконгдук актёр, режиссёр, чыгыштын жеке уруш өнөрлөрүнүн чебери Брюс Ли 1973-жылы 20-июлда баш оорунун дарысын ичип каза болгон. Дарыгерлер "мээсинде шишик болгондуктан баш ооруну баса турган дары терс реакция берген" деген тыянак чыгарышкан. Кийин Брюстун шаолинь монахтарынын сырларын башкаларга сатканы үчүн уу берип өлтүрүшкөнү айтылган. Бирок ал маалымат такталган эмес.

Актёрдун өлүмү эч кимди кайдыгер калтырган эмес. Аны акыркы сапарга узатар күнү туугандары, жоро-жолдошторунан сырткары миңдеген күйөрмандары кумири менен коштошууга келишкен. Анын сөөгү АКШнын Сиэтл шаарында жерге берилген.

Ал соңку ирет тартылган “Өлүм оюну” тасмасы актёрдун өлүмүнөн 5 жыл өткөндөн кийин гана толугу менен тартылып бүткөн.

20-июлдун жылнаамасы.