Бишкекте 6 күндөн бери дайынсыз болгон 25 жаштагы кыздын агасы: "Апамдын абалы оор, кайрылып келчи, карындашым"

Бишкекте Таалайбек кызы Бактыкан аттуу 25 жаштагы кыз 6 күндөн бери дайынсыз болуп изделүүдө. Ал 14-июль күнү кечки саат 20:30 чамасында Бишкектин четиндеги ТЕЦ-2 тараптагы өзү иштеген "Бекжан" деген кафеден чыгып кетип, ошол бойдон үйүнө келген эмес. Өзүн Улукбек деп тааныштырган агасы SUPER.KG'ге 20-июлда кайрылып буларды айтты.

"Бактыкан ошол күнү кафеден чыгып аялдамада турган жери видеокамерага түшүп калыптыр. Бирок андан ары кандай маршруткага же таксиге отуруп, кайда кеткени белгисиз. Карындашым 500 же 1000 сомду гана санай алат, башка акчаларды санай албайт, анын үстүнө шаарды билчү эмес. Бактыкан, апабыздын кан басымы көтөрүлүп, абалы оор болуп жатат. Эгерде таарынып калып келбей жаткан болсоң кайрылып келчи, сени сагындык, сени жакшы көрөбүз", - деди.

Анын айтымында, Бактыкан жоголгонго чейин 10-15 күн мурун үйүндөгүлөр аны урушуп коюшкан.

Бактыкандын өзгөчө белгилери: бою 150-160 сантиметр. Үстүнө ак түстөгү футболка, күлгүн түстөгү спорттук кийим, кара түстөгү шым кийип, боз түстөгү сумка асынып алган. Байланыш телефондору: 0550 88 19 03, 0553 69 65 69, 0706 69 65 69, 0702 86 47 03, 0708 92 22 38.