СУПЕРСТАН: "Эх, эркек качан сулуулукка тойчу эле. Беттеги сулуулукпу же фигурасыбы?"

SUPER.KG порталынын "Суперстан" бөлүмүндө "Беттеги сулуулукпу же фигурасыбы?" деген тема ачылып, анда автор жигиттердин бул тууралуу оюн сураган.

Темадагы билдирүүлөрдөн:

"Беттеги сулуулукпу же фигурасыбы деп болуп көрсөтүүгө болбойт деп ойлойм. Адатта сырткы келбет, анын ичинде беттин сулуулугу ички дүйнөнү чагылдырып, кабар берип турат. Чехов адамда баары - жан-дүйнөсү, жүрөгү, кийими сонун жана окшош болот деп айтпады беле. Жеке мага экөө тең маанилүү. Анан дагы фигурасы жакшынакай, өзү сулуу эмес деген туурабы? Ар бир адам, анын ичинде кыздар дагы "по-своему" сулуу жана кайталангыс".

"Ар адамдын табити ар башка болгондуктан мындай суроого жооп бериш татаал. Мисалы, менин койгон шартыма көп кыздар дал келе бербейт, (балким, ошондуктанбы, кыз табышым абдан кыйын). Анда санда, балким, койгон шарттарымды кичине жеңилдетсемби деп ойлонуп калам. Негизинен кыздардын эң биринчи жүзүнө көңүл бурам, ал сыноомдон өтсө фигурасына көз жүгүртөм. Албетте, бул жерде ички дүйнөсүн дагы окуп үйрөнүү тандоого ашыкча болбой тургандыгын белгилей кетиш керек".

"Билишимче, убактылуу болсо балдар фигурасы менен жүзүнүн сулуулугуна бирдей карайт. А түбөлүккө болсо, буларга жан дүйнөсү да кошулат. Алда канча маанилүүрөөк болот. Өзүм жөнүндө айтсам, мен экөөнө тең эле карайм, бирок келбетине көбүрөөк көңүл бурам. Жүзү сулуу болбосо дагы жагымдуу болсо болот. Көрүнгөн жерлерин карагандан кийин анан көрүнбөгөн жагын карайм - жан дүйнөсүн. Аны пикир алышканда гана билесин да".

"Эх, эркек качан сулуулукка тойчу эле? Чүрөктөй болгон кызды алсаң дагы, андан башка сулууларга кылчаясың. Жогорудагы туура айтат, сулуулугуна эле карайбыз чынында, андан кийин анан ички дүйнөсүн. Мен үчүн фигурасы идеалдуу болсо, келбети адамды ирээнжитпеген, сулуу болбосо дагы катардагы эле беттерден болсо болду же тескерисинче, келбети укмуштуудай, фигурасы - катардагыдай фигура болсо боло берет".

Талкууга кошулгуңуз келсе, бул жакка кириңиз.