UFC Валентина Шевченко-Аманда Нуньес реваншы качан болорун жарыялады

UFC уюму Валентина Шевченко менен Аманда Нуньестин реванштык беттеши качан болорун расмий жарыялады.

Маалыматка ылайык, мушкер айымдар 9-сентябрь күнү Канаданын Эдмонтон шаарында "UFC-215" турниринин алкагында беттеш өткөрүшөт.

Эскерте кетсек, Валентина Шевченко менен Аманда Нуньестин кармашы 8-июль күнү орун алмак. Бирок беттешке бир нече саат калганда Аманда Нуньестин ден соолугу начарлап ооруканага түшүп, натыйжада UFC уюму беттешти кийинкиге жылдырууга аргасыз болгон. Жеңил салмактагы UFC уюмунун чемпиону бразилиялык Аманда Нуньес, "UFC 213" алкагында Валентина Шевченко менен болгон беттешке эмне үчүн чыкпай калганын түшүндүрүп, ал синусит дартынан жабыркап калганын билдирген. Бул беттеште мушкер айымдар кыз-келиндер арасында жеңил салмак категориясы боюнча дүйнө чемпиондугу үчүн күрөшүшөт.