Орусияда жол кырсыгынан 22 жаштагы келин каза болду. Анын жарандыгы такталууда

Орусияда жол кырсыгынан 22 жаштагы келин каза болду. Ал 8 айлык кош бойлуу болгон. Бул тууралуу орусиялык маалымат каражаттары жазып чыгышты.

Маалыматка караганда, кырсык 19-июль күнү Москва шаарынын Ленинград шоссесинде болгон. Анда эки жеңил унаа сүзүшүп, унаалардын биринин ичиндеги кош бойлуу келин каза тапкан. Анын ичиндеги баланы сактап калууга мүмкүн болгон эмес.

Маалыматтарда, каза болгон келиндин 22 жаштагы Алтынай Салиева экени айтылууда.

Бул тууралуу Кыргыз Республикасынын Орусиядагы элчилигине кайрылганыбызда, келиндин жарандыгы такталып жатканын билдиришти.

"Анын Кыргыз өлкөсүнүн жараны экендиги тууралуу так маалымат жок. Өлүк сактоочу жайдын кызматкерлери каза болгон келиндин Алтынай Салиева экенин айтышты", - дейт Орусиядагы Кыргыз элчилигинин басма сөз катчысы Гүлбарчын Байымбетова.