Дөлөн Өмүрзаков атындагы стадиондо Кыргыз өлкөсү-Оман беттеши башталды

Бишкек шаарындагы Дөлөн Өмүрзаков атындагы стадиондо футбол боюнча жаштар арасындагы (U-23) Азия чемпиондугуна тандап алуу этабынын 2-турунун алкагында Кыргыз өлкөсүнүн курама командасы Оман курамасы менен беттеши башталды.

Кыргыз өлкөсүнүн старттык курамында Арстан Кудайбердиев (дарбазачы), Мустафа Юсупов, Георгий Славный, Данила Сокирченко, Айзар Акматов, Азим Азаров, Эрнист Батырканов, Бахтияр Дүйшөбеков (капитан), Абай Боколеев, Одилжон Абдурахманов, Роман Левченко оюн талаасына чыгышты.

Оюндун башкы калысы Катардан келген Сауд Али Аль-Адба болот. Анын жардамчылары малайзиялык Мухаммад Назми Бин Насаруддин жана иорданиялык Абед Аль-Роман Нажи Мохамад Акел болмокчу.

Эске салсак, 19-июль күнү жаштар арасындагы (U-23) Азия чемпиондугуна тандап алуу этабынын 1-турунда Кыргыз футболчулары Ирандын футболчуларына 1-2 эсебинде жеңилип калган.