"Кыргызстан коммунисттер" партиясы президенттик жарышка Исхак Масалиевдин талапкерлигин көрсөттү

Бүгүн, 22-июлда Бишкекте "Кыргызстан коммунисттер" партиясынын съезди өттү. Ага өлкө аймагынан келген 150гө чукул делегаттар катышты. Күн тартибинде күздө өтүүчү президенттик шайлоого партиянын атынан талапкерди сунуштоо маселеси каралды. Аталган партиянын лидери Исхак Масалиевдин талапкерлиги ачык добушка коюлуп, жактырылды. Ал депутаттык мандат берген "Өнүгүү-Прогресс" фракциясы менен болгон кийинки кадамдары кандай багытта уланарын айтты.

“Мен партиянын тартибин сактайм. Бакыт Төрөбаев да талапкер. Бирок мындан таарыныч жаралбайт. Азыр таарынычка убакыт жок. Эгер экөөбүздүн бирибиз жеңсек, экинчибизди унутпайбыз”, - деди Масалиев.