"Кыргызтелеком" жана "Кыргыз темир жолу" ишканалары салыкты аз төлөп жатканын вице-спикер Асия Сасыкбаева айтты

Вице-спикер Асия Сасыкбаева 20-майда парламенттеги көпчүлүк коалициянын жыйынында "Кыргызтелеком" жана "Кыргыз темир жолу" ишканалары салыкты аз төлөп жаткандыгын айтты. Айтымында, башка мамлекеттерде бул сыяктуу ишканалар көп салык төлөйт. Өз кезегинде премьер-министр Жантөрө Сатыбалдиев “Кыргыз темир жолу” ишканасы болгон аракеттерин жасап жатканын айтты. “Темир жолу бизде туңгуюк жолдо. Ал эми “Кыргызтелеком” ишканасында атаандаштык бар. Бул ишкананын ишин карап чыгуу керек”,- деди өкмөт башчы.