Орусиядагы жол кырсыгынан каза болгон 22 жаштагы келин Кыргыз жараны экени аныкталды
Орусиядагы жол кырсыгынан каза болгон 22 жаштагы келин Кыргыз жараны экени аныкталды. Бул тууралуу бүгүн, 22-июлда Кыргыз Республикасынын Орусиядагы элчилигинен билдиришти.
Маалыматка караганда, каза болгон келин 1995-жылы туулган Алтынай Салиева аттуу Кыргыз жараны болгон. Анын жансыз денесин кечээ, 21-июль күнү туугандары алып кетишкен.
Айта кетсек, жол кырсыгы 19-июль күнү Москва шаарынын Ленинград шоссесинде катталган. Анда эки жеңил унаа сүзүшүп, унаалардын биринин ичиндеги кош бойлуу келин каза тапкан. Келиндин 7 айлык кош бойлуу экени белгилүү болгон.
Буга чейин каза болгон келиндин 22 жаштагы Кыргыз жараны экени айтылган. Бул тууралуу Кыргыз Республикасынын Орусиядагы элчилигине кайрылганыбызда, келиндин жарандыгы такталып жатканын билдиришкен болчу.

Мына элчиликтин иши. Кечээ туугандары алып кеткен сөөктү, жарандыгын тактап жатабыз дешип. Туугандары жарандыгын тактап, документ жасап алып кеткендир эле. Кайдыгер элчилик тактагыча, сөөк мекенге келип бүттү.