АКШнын тургуну 34 килограммга арыктап, 1 миллион доллар утуп алды

Покер оюнчусу ашыкча салмагынын 34 килограммынан арылып, ири жеңишке жетишти. Бул тууралуу чет элдик басылмалар жазып чыгышты.

36 жаштагы америкалык Уолтер Фишер мындан бир нече ай мурун покер ойноп 100 миң доллардан ашуун акчасын уттуруп, 112 килограммга чейин семирип кеткен.

"Казинолордун ресторандарынын баарында ашканасы даамдуу. Мен паста менен пармезанды көп жеп калгам", - дейт Фишер.

Ал жөн эле арыктабастан, акча табууну чечкен. Уолтер Фишер достору менен 1 миллион долларга мелдеше кеткен. Мелдешти утуу үчүн ал жарым жылда арыкташы керек болгон. Бир нече ай бою спорт менен машыгып, тамакты аз жегени өз жыйынтыгын берип, 34 килограммга арыктаган. Достору анын карыздарын эсепке алып, 600 миң доллар төлөп беришкен. Ал акча үчүн эмес, жээндерине үлгү болуу үчүн арыктаганын айткан Вести.ру басылмасына.