Сингапурлук 50 жаштагы фотограф өз курагынан 2 эсе жаш көрүнөт

Соңку убактарда өз курагынан жаш көрүнгөн инсандар коомчулукка көп кызыгуу жаратууда. Сингапурлук 50 жаштагы мурунку модель, азыркы фотограф Чуандо Тан да алардын катарын толуктап, өз курагынан 2 эсе жаш көрүнөт. Бул тууралуу Кытайдын сайттарынын бири жазып чыккан. Ал макаладан соң фотографтын жашоосуна кызыккандардын саны күн сайын арбып, аз убакытта социалдык тармактагы баракчасына катталган окурмандардын саны 235 миңден ашкан. Анын баракчасындагы сүрөттөрдөн жүзүнө бир да бырыш түшө электигин байкоого болот. Ал өзү мунун сыры өтө жөнөкөй экенин айткан.

“Мен көп убактымды спортко арнайм жана туура тамактанууга басым жасайм. Ошондой эле таң заарында же кечки убакта душка түшпөйм”, - деген ал.

Эске салсак, буга чейин Тайвандагы “кылымга катырылган үй-бүлө” көпчүлүктүн кызыгуусун арттырган.