ӨКМ: "Кызы менен аялына "мен кеттим" деп SMS билдирүү жазып, дайынсыз болуп кеткен тургун табылган жок"

Кызы менен аялына "мен кеттим" деп SMS билдирүү жазып, дайынсыз болуп кеткен тургун табылбай калды. Бул тууралуу бүгүн, 26-июлда SUPER.KG порталына Өзгөчө кырдаалдар министрлигинин Нарын облусу боюнча башкармалыгынын башчысы Токтобек Шонкоев билдирди.

"Кызы менен аялына sms билдирүү жазып, дайынсыз болуп кеткен тургунду издөө иштери токтотулган. Эгерде ал сууга түшүп кеткен болсо башка жакка агып кетиши мүмкүн деп болжолдоп жатабыз. Туугандары да аны издөөнү токтотушкан. Бүгүнкү күндө Нарын дарыясында суунун көлөмү абдан көп болуп жатат. Дарыяга жакын жашаган жергиликтүү тургундарды сак болууга чакырат элем", - деди Шонкоев.

Эске салсак, буга чейин Нарын шаарынын А.Т. аттуу тургуну дайынсыз жоголуп, ӨКМнын Нарын шаарындагы куткаруучулары жана анын жакын туугандары тарабынан изделип жаткан.