СУПЕРСТАН: "Жубайы үйдө жок болсо эркектер кандай тамактарды жасай алышат?"

SUPER.KG порталынын "Суперстан" бөлүмүндө "Жигиттер, кандай тамак жасаганды билесиңер?" деген тема талкууга алынууда.

Темадагы автор мындай суроо салган: "Жигиттер, аялыңар менен таарынышып, аялыңар төркүнүнө кетип калды дейли. Силер 7 жашар балаңар менен үйдөсүңөр, ал ачка болду. Эмне тамак жасап бермексиңер?"

Темадагы билдирүүлөрдөн:

"Чынын айтсам, манты, оромо жасай албайм, калганын катыра жасайм. Орусия төрөгөндү эле үйрөтпөйт экен".

"Кудай андай күндү көрсөтпөсүн. Турмушта бардык нерсе болушу мүмкүн. Ашпоздукту жакшы эле эптейм. Буламык жасап берем да. Күрүчтөн буламык даярдоо үчүн: күрүчтү сууга кайнатып, бышырып алам. Анан бышкан күрүчкө сүттөн куюп, кичине кайнатсам, даяр болот. Үстүнө сары майдан эле салып коём".

"Кыскасы камыр-самыр да жасайм, боорсок бышырам, плов басам, бир эле манты жасай албайм. Аны жасагым да келбейт. Бирок аракет кылсам колумдан келчүдөй".

"Бардык тамакты жасайм. Манты, оромо, лагманды да чоюп коём. Эң сонун жасаган тамагым: тандырга нан бышып бүткөндөн кийин жаңы фарель балыгын союп, туздап, гезитти былчылдатып суу кылып, балыкты ороп тандырдагы чокко салып коёт. Гезит кургаганда чыгарыш керек. Оо, керемет го даамы, керемет. Жаш балдарга буламык да бышырып жиберем".

"Баарын эле жасай берем азырынча, бирок үйлөнгөндөн кийин автоматтык түрдө унутуп калбасам эле деп турам".

"Тамак жасаган эркектерге көзүм күйөт, эй. Биздин атабыз такыр жасабайт, жасамак турсун ашканага баш бакпайт. Үйдө жок болсом мени күтүп, ачка отура берет же көчөдөн тамактанып алат. Анан ал ачка калбасын деп үйгө шашам же ага тамак даярдап коюп анан кетем. "Тамак жасаганды билем" дейт, бирок такыр жасабайт, тобо".

Талкууга кошулгуңуз келсе, бул жакка кириңиз.