ЖЫЛНААМА, 27-ИЮЛЬ: Тез татымдардын "падышасы" - гамбургердин пайда болгонуна 117 жыл болду

Мындан 117 жыл мурун, 1900-жылы 27-июлда Луи Лессинг аттуу америкалык гастроном Коннектикут штатындагы өзү төрөлгөн Нью-Хейвен шаарында дүйнөдөгү биринчи гамбургерди саткан. Ал эки тоголок булочканын ортосуна немис бифштексин коюп, соус жана салат жалбырагын кошкон. Гамбургерлер 1904-жылы Миссури штатынын Сент-Луис шаарында өткөн дүйнөлүк көргөзмөдөн соң калың элге аты тараган. 1930-жылдардын башында Канзас шаарынын тургуну Уолтер Андерсон White Castle Hamburger деп аталган тез татымдар тармагын ачып, анын негизги тамагы гамбургер болгон.

Ал эми 1948-жылы бир туугандар Макдональд жана Рей Крок McDonald's тез татымдар тармагын ачышкан. Анын гамбургерлери учурда дүйнө жүзүнүн булуң-бурчунда сатылууда.

27-июлга карата жылнаама.