Путин Кыргыз мамлекетинин жарандарына Орусия аймагында улуттук айдоочулук күбөлүк менен иштөөсүнө уруксат берди

Кыргыз мамлекетинин жарандарына Орусиянын аймагында улуттук айдоочулук күбөлүк менен унаа башкарууга жана ишмердүүлүк жүргүзүүгө уруксат берилди. Тийиштүү мыйзамга Орусия президенти Владимир Путин кол коюп, документ укуктук маалымат боюнча расмий сайтка жарыяланды. Аталган норма орус тили расмий тил катары кабыл алынган өлкөлөргө тийиштүү болот.

Эскерте кетсек, ушул жылдын 1-июнунан тарта Орусияда чет өлкөнүн айдоочулук күбөлүгү менен иштегендер жумушка чыга албай калышкан. Алардын арасында Кыргыз мамлекетинин жарандары да бар. Орусиянын Мамлекеттик Думасынын депутаттары Кыргыз жарандарына улуттук айдоочулук күбөлүктөрү менен транспорттук каражатты башкарууга, ишмердүүлүк жүргүзүүгө уруксат берүү тууралуу Орусиянын президентине кайрылуу токтомун бир добуштан кабыл алышкан.