Бишкек - Ош унаа жолундагы "Төө-Ашуу" тоннели жарыксыз калып, учурда генератордун жардамы менен иштөөдө

20-май күнү саат 15:40 чамасында Жайыл районуна караштуу “Төө-Ашуу” капчыгайынан таш кулап, ал жогорку чыңалуудагы “Сосновка-Төө-Ашуу” электр чубалгысын үзүп кетти. Мунун кесепетинен Суусамыр өрөөнү, ошондой эле ашуудагы “Төө-Ашуу” тоннели электр жарыгысыз калган. Бул тууралуу “Түндүк электр” ишканасынын басма сөз кызматы билдирди. Учурда тоннелге жарык берүү үчүн генератор колдонулуп, аба чубалгыларын оңдоо иштери жүргүзүлүүдө.