КТРКнын Байкоочу кеңеши башкы директор Кубат Оторбаевге ишеним көрсөтпөө демилгесин көтөрөт

"КТРКнын Байкоочу кеңеши башкы директор Кубат Оторбаевге ишеним көрсөтпөө демилгесин көтөрөт". Бул тууралуу парламенттин Билим берүү, илим, маданият жана спорт боюнча комитетинин 21-майдагы жыйынында КТРКнын Байкоочу кеңешинин төрагасы Фархат Бекмамбетов айтты.

Белгилей кетсек, комитет жыйынында КТРКнын Байкоочу кеңешинин 2012-жылдагы ишмердүүлүгү тууралуу отчёту угулууда. Бекмамбетовдун билдиришинче, Байкоочу кеңеш телеканалдын ишмердүүлүгү боюнча Кубат Оторбаевдин 2012-жылга карата отчётун "канааттандырарлык эмес" деп баалаган. Ошондой эле Оторбаевге ишеним көрсөтпөө маселеси жакын арада Байкоочу кеңештин жыйынында карала тургандыгы белгилүү болду.