Жылдыздардын дем алыш күндөрү кандай өттү: 29-30-июль

Өткөн дем алыш күндөр аптаптуу аба ырайы менен коштолуп, көпчүлүк бул күндөрү эс алууга убакыт бөлүштү. Ал эми атактуулардын айрымдары эс алышса, кээ бирлери таптакыр башка жумуштар менен алектеништи.

Мисалы, ырчы Анжелика Бекболиева ишемби күнү, болгону бир күнгө апасы жана кыздары менен биргеликте Кыргыз бермети Ысык-Көлгө барып эс алып келди. Эс алуусу боюнча ырчы социалдык тармактагы баракчасына билдирүү калтырган. "Мен үчүн бир күндүк эс алуу 10 күндүк эс алууга барабар", - деген ал.

Ошондой эле көл жээгин бойлоп эс алып жүргөндөрдүн катарын "Жебе" тобунун солисти Медер Сагынбек уулу да толуктайт.

Ал эми ырчы Аваз Акимов ушул эле өрөөндө, бирок көлгө чумкуп эмес, достору менен биргеликте табият коюнунда эс алды.

Ырчы Омар концерт коюу үчүн Түштүк Кореяга кетти.

Аскат Мусабеков борбордогу эс алуучу жайлардын биринде балдары менен убакыт өткөрдү.

Ал эми жакында эле дайындалган кызматынан баш тарткан ырчы Самара Каримова мурункудай эле тойлордо кызмат кылып жүрдү.

Ырчы Нурлан Насип гастролдук турне менен Талас өрөөнүндө болду.

Ал эми жаш ырчы Иса Өмүркулов жарнамалык роликке тартылуу менен убакыт өткөрдү.

Алып баруучу, шоумен Эркин Рыскулбеков борбордогу супермаркеттердин бирине баш багып, азык-түлүк алуу менен дем алыш күнүн жыйынтыктады.