Бишкектин медицина кызматкерлери “Энелер күнүн” белгилешет

Бишкек шаардык балдардын клиникалык тез жардам көрсөтүүчү ооруканасында бүгүн, 21-майда саат 16:00дө “Энелер күнү” белгиленет. Мэриянын басма сөз кызматы билдиргендей, иш-чаранын жүрүшүндө саламаттыкты сактоо тармагында эмгектенген көп балалуу энелерге баалуу сыйлыктар тапшырылат. Маалым болгондой, “Энелер күнүнүн” алкагында Саламаттыкты сактоо департаменти 6-майдан 25-майга чейин бардык медициналык мекемелерде аялдарды акысыз медициналык кароолордон өткөрүүдө. Ал эми ден соолугунун мүмкүнчүлүгү чектелген аялдарды үйлөрүнөн кароо уюштурулган.