Супер-Инфо
super.kg видео
Бишкекте Ак Үйдүн, соттордун, министрликтердин алдына митинг өткөрүүгө убактылуу тыюу салынды
Ак Үйдүн, соттордун, министрликтердин, Борбордук шайлоо комиссиясынын имараттарынын алдына митинг өткөрүүгө убактылуу тыюу салынды. Бул тууралуу SUPER.KG'ге Жогорку Соттун маалымат кызматынан билдиришти.
Маалыматка ылайык, ИИМ Бишкектин Биринчи Май райондук сотуна кайрылып, 1-августтан 20-октябрга чейин митинг өткөрүүгө тыюу салуу боюнча арыз берген. Сот митингдерге чектөө киргизүү боюнча чечим кабыл алды.
Эскерте кетсек, 31-июлда Биринчи Май райондук сотунда экс-депутат Садыр Жапаровдун соту уланып, ага карата чечим кабыл алынмак. Бирок соттун катчысы ооруп калгандыгына байланыштуу деген негизде отурумду 2-августта кароо чечими кабыл алынган. Ошол эле учурда сот имаратынын алдына Садыр Жапаровдун 100гө жакын тарапташы анын боштондугун талап кылып, митинг өткөрүп жатышкан.
Мындан тышкары депутат Өмүрбек Текебаевдин жана экс-министр Дүйшөнкул Чотоновдун тарапташтары сотторго нааразычылык билдирип, Текебаев менен Чотоновду бошотуу талабы менен митингдерди өткөрүп келишет.
-1
Атамбаев лично озу тыю салса да эл Акуйдун астына митингге чыгат шайлоонун эртеси... Ошондо эсептешебиз Атамбаев, сени менен.....
КЫРГЫЗ ЭЛИМ жетишет 25 жылдан бери талаалап журдүк.Менин бойдок чулук мезгилим,талаада өттү азыр бала чакалуумун дагы деле талаада жүрөм.Шүгүр бала чакам жанымда.Бирок канчасы жүрөт кыйналып балдарынын жаш кезиндеги ойноп жүргөнун күлгөнүн көрө албай сагынып.