Бишкекте 21 кичи автобус маршруттук каттамдан чыгарылды

8-16-май күндөрү техникалык жана санитардык талаптарга жооп бербеген 21 кичи автобус жүргүнчү ташуу укугунан ажыратылды. Бул иштер мэриянын Шаардык транспорт башкармалыгынын кызматкерлери тарабынан жүргүзүлүүдө. Мэриянын басма сөз кызматы билдиргендей, кичи автобустардын санитардык жана техникалык абалын жакшыртуу боюнча ар дайым иш жүргүзүлүп турат. Мындан сырткары жүргүнчүлөрдү тейлөө маданияты жаатында да текшерүүлөр болуп турат.