Адамдын кийиминде сойлоп жүрүүчү кичинекей роботтор пайда болду

Массачусетс технологиялык институтунун окумуштуулары магниттин жардамы менен адамдын кийиминде сойлоп жүрө ала турган кичинекей роботторду ойлоп табышты. Алардын түсү кийимдин өңүнө жараша ар түрдүү. Роботторду кийимдерди кооздоо үчүн гана эмес, капюшонду чечүүгө жана аксессуарларды тагууга да колдонсо болот.

Өзгөчө технологиянын авторлорунун бири Синди Синь-Лю Као кийин мындай роботтор адамдын алмашкыс жардамчысына айланарын билдирген.

“Келечекте роботтордун интеллекти өөрчүсө, адамдын адаттарын, кийинүү стилин өздөштүрүшөт. Ал эми көлөмү кичинекей болуп чыга баштаганда, кийимдин стили менен жакшы айкалышып калат”, - деген ал.

Азырынча роботтордун көлөмү өтө кичинекей эмес болгондуктан, дароо көзгө урунат. Бирок кийимге чынында эле өзгөчөлүк тартуулайт.