Президенттикке талапкерлердин дагы бири шайлоого катышуудан баш тартты

Президенттикке талапкерлердин дагы бири Нусрет Муса-Оглы Мамедов шайлоого катышуудан баш тартты. Бул тууралуу бүгүн, 3-августта SUPER.KG порталына Борбордук шайлоо комиссиясынан билдирди.

Маалыматка ылайык, ал бүгүн мамлекеттик тил боюнча сынакка катышмак. Мамедов түрк тилдүү мамлекеттердин саясатын колдоо фондунун президенти болуп эмгектенет.

Эске салсак, кечээ, 2-августта Анвар Сартаев талапкерлигин коюудан баш тарткандыгына байланыштуу тестирлөөгө келген жок. Президенттикке аттануу үчүн 59 жаран талапкерлигин койгон. Шайлоо 15-октябрга белгиленген.