Түз эфир маалында мас адам журналистти сабап салды

Кечээ, 2-августта Орусияда аба десанттарынын майрамын түз эфирден чагылдырып жаткан журналистти мас адам сабап кетти. Бул туурасында аталган өлкөнүн маалымат каражаттары кабарлады.

"НТВ каналынын кабарчысы Никита Развозжаев Москванын Горький багында түз эфирден студия менен байланышып жатканда белгисиз мас адам анын жанына басып келип, сөгүнүп кабарчыны бетке чапкан. Бул окуя көрүүчүлөрдүн көз алдында болуп жаткандыктан, студиядагылар түз эфирди өчүрүп, башка кабарга өтүүгө аргасыз болушту. Бейбаш окуя болгон жерден качып кетүүгө үлгүрүп, кийинчерээк полиция тарабынан кармалды", - деп айтылат маалыматта.